En febreiro de 2018 chegou á Escola material procedente de escavacións arqueolóxicas levadas a cabo en Cova Eirós (Triacastela-Lugo) en diferentes campañas entre os anos 2009 e o 2018. Era, sobre todo, material óseo do Paleolítico, algo de material lítico e unha punta de frecha de ferro.

As pezas foron entregadas polo Grupo de Estudos para a Prehistoria do Noroeste Ibérico-Arqueoloxía, Antigüidade e Territorio (GEPN-AAT) dentro do Departamento de Historia da USC.